زنگان-کانون وبلاگ نویسان جوان زنجان

وبلاگ"گعده های دوستانه "نوشت

    شعر عاشق، از جمله شاهکارهای به یاد ماندنی و می توانم بگویم تکرار نشدنی استاد رحیم منزوی اردبیلی است که من هرگاه آن را می خوانم، به شدت تحت تاثیر قرار می گیرم. در آستانه محرم و تاسوعا و عاشورای حیسینی، این قطعه شعر را از آن استاد فرزانه به دید دوستان می گذارم، باشد که عاشق واقعی اباعبدالله توانیم بود. خداوند روح آن بزرگوار را با معشوق و مولایش اباعبدالله الحسین (ع) و شهدای کربلا محشور کند.

عاشق دگی تک ویرسه سر و جان و تن عاشق                 لازمدی حسین تک چکه ال هر ندن عاشق

افسانه لی عاشقلره کـــــــامل دیمک اولمــــــاز                  ناقصدی ئـوز عشقینده هله کوه کن عاشق

فرهادیله مجنــــــــونه دیــــمه عاشـــــــق کامل                  منصـــــورده وامقده دگیـــل من دین عاشق

خوار اوسته گزه یار دیاریـــــــنده بیلــــــــــر نوش                  ایتمز داخــــی فکر گـل و باغ و چمن عاشق

پروانه کیــــــــمی شمع محبت ده ویرار پــــــــــــر                چخمازسحره سوگلیسون چوخ سون عاشق

بیعت آدی گر گلـــــــسه چکــــــــــــر ال وطنیندن                 نیزه باشین ئوز باشینه ایلر وطــــــن عاشق

تندن چخادار یک سره شـــــــاهانه لباســــــــــین                گیزلینجه گییر اگنینه بیر پیـــــــــرهن عاشق

ممکندی قناعت ایده بیر کهنه حصـــــــــــــــــــیره                 هیچ گیمیه گل جسمینه فاخر کفـن عاشق

مین نازلی قزی آغلاسا باخمـــــــــــــاز دالیسیجا                  سرعتله گیدر رزمگهه خیــــــمه دن عاشق

عجزیله فراتین سویی یالوارســــــــــــــــادا ایچمز                  نیلور او گل آلوده سویی قـــان ایچن عاشق

یوز دوندره حاشــــــــــــا قاچا دشمن قاباغیندان                  یوز لشگریله جنگ ایلسه تــن به تن عاشق

مین یاره چاتـــــــــــــــــــا بیر یارا دگمز کورگیندن                 ایلر سپر ئوز سینه سینی صف شکن عاشق

موسی دگل عاشق دیدی ارنی لــــن ایشیتدی                   مشکل ایشیده ارنی جوابینده لـــن عاشق

مقتلده حسین کی هله ارنی دممیشــــــــــدی                     لبیـــــک صداسین ایشیدیب غفلتا عاشق

شکرانه سینه قانــــــــــلی یوزون تپراقا سورتدی                  عـاشقلره اورگتدی عجب رسم وفن عاشق

خیر و شری محشرده آیرماق سببیــــــــــــــــله                     غربال کیمی اولدی مشبک بــــدن عاشق

اوخ قبــــر قازوب اصغره شه سینه سی اوسته                       تا قره عشقیله اولا مقتــــــــــرن عاشق

معشوقی یل اسدیردی خیـــامی تیز آلشسون                      آهیــــــله کمک ایلدی اول ممتحن عاشق

قاچدی هامی اوتدان چوله زینب هله قاچمـور                     بیلمم نه دیوب زیــنبه عشق ئورگدن عاشق

جان آلماقا حیرتده قالـــــــــــــوب قابض الارواح                      گورموب ایله بیر یاره لی غرق محن عاشق

عرض ایتدی بونون هاردان آلیم جانین الهــــی                      باشـدان ایاقا یاره دی بو جان ویرن عاشق

سس گلدی کنار اول من ئـــوزوم ایلیم احضار                        لازمدی یته وصلیـمه هجران چکن عاشق

قوی «منـــــــزوی» سنده یوزوی تپراقا دائـــم                        آسان یتیشر وصلته بی ما و مـــن عاشق