کانون وبلاگ نویسان جوان زنجان | شنبه, ۲۷ مهر ۱۳۹۲، ۰۸:۰۹ ق.ظ
یاد آورایام محرم قره پرچم
اعلان عزا رونق ماتم قره پرچم
قاره علمی هریره معبرده وروبلار
احرار اونی مسجدلره سر درده وروبلار
بیت اللهه باخساندا قرا پرده وروبلار
بو پرچمی فکر ایتمه فقطیرده وروبلار
گویلرده وروبعیسی مریم قره پرچم
یاتماز بو علم تاکه بشروار یر اوزونده
بیگا نه لرین یوخدی اثر یاوه سوزنده
هیئات حسینی اولارین اوخدی گوزونده
نامرده ورار سیلی محکم قره پرچم
بو پرچمی زینب که عزاخانیه وردی
پرچم دیمه خنجردل بیگانه وردی
سیلی دهن زاده مرجانیه وردی
بیرتوزلی علم شامیده ویرانیه وردی
الاندا اسر اوردا مسلم قره پرچم
ای هیئتیلره تپراق اولون عشق ایاقندا
قاره علمی نصب ایلیون گوز قابندا
گورجک اونی تترر دلی حتی اوشاقندا
معناده دیر اصغر حسینون قوجاقندا
من باش چکرم هیئته گورسم قره پرچم
ور قاره که اسدیقجا دل دشمنی سیخسون
زهرا خانمون قویما سنق قلبی داریخسون
کیم قاره علم ورسا گوروم آق گونه چخسون
ای طعنه وران گیت ایون عباس آقا یخسون
نامحرمه هاردان اولی محرم قره پرچم
استاد کلامی زنجانی
-
۰
۰
- ۹۲/۰۷/۲۷
- کانون وبلاگ نویسان جوان زنجان