کانون وبلاگ نویسان جوان زنجان | چهارشنبه, ۲۵ آذر ۱۳۹۴، ۰۹:۱۵ ق.ظ
یا حسین گیتمرم آیری قاپیا بو قاپیدان
در عزتدی منه درگهون ای شاه انام
عمرومون لذتی سنسن قسم الرحمانه
سنسیز عالمده گوروم عمری منه اولسون حرام
نیلورم جنتی من حسن جمالوندی بهشت
حاضرم حسنوه جان قیمتینه بیرده باخام
مین امان نامه علی اوغلونا تاثییر ایلمز
آیرانماز منی سندن بیلوسن قوم ظلام
صفحه قلبیمه اولده آدون حک اولونوب
سیله بیلمز بو آدی حشره کیمی قوم لئام
سنون عشقوندی منیم خون و رگیمده دولانور
سنون عشقونله ویروب صود منه دنیاده آنام
منی الساعه دولاندریر بو رقیه باشینا
گیت دیمه نوکریوه ای شه شایسته مقام
بو امان نامه گلندن من ئولوم آختارورام
مایلم یر آچیلا گیزلنم ای میر عظام
ایستسون پرچمی مندن آل اوزون اکبره ویر
آخر صفده دایانام ایده رم اخذ مرام
بیلمسون لایق اگر مشگیده آل قووما منی
ایستورم دالدالانام سایه وه شاها اوجالام
اولماسام لایق اگر امر ایله اهل حرمه
منه سقا دیمسونلر داخی افراد خیام
گر خطا ایلمیشم عفو ایله زهرایه گوره
غیرتیمندن ئولورم گیت دیمه ای میر همام
کل عالم منیم اولسا گینه ده نوکریوم
شه مرخص ایلمز اهل وفا اولسا غلام
عار اولا من سنی تک قوسام اگر عالمده
نجه زهرا یوزونه حشریده آیا باخ
-
۰
۰
- ۹۴/۰۹/۲۵
- کانون وبلاگ نویسان جوان زنجان