قان ایچوبسن دینجلوبسن لای لای اوغلوم لای لای اوغلوم
وبلاگ چتر وارونه نوشت
قان ایچوبسن دینجلوبسن لای لای اوغلوم لای لای اوغلوم
سینمه گل خوش گلوبسن لای لای اوغلوم لای لای اوغلوم
الوداع ای نازدانه آق قماطون باتدی قانه
اوچ گئجه لب تشنه قالدون اود دوتوب اوتلاندون آخر
ائتمدی صبحین نسیمی درده چاره یاندون اخر
اؤچولار ورماز اوشاقی سن بالا اوخلاندون آخر
سینمه گل خوش گلوبسن لای لای اوغلوم لای لای اوغلوم
الوداع ای نازدانه آق قماتون باتدی قانه
ای گل نازی ربابین نازیوه هئچ کس دؤزنمز
بو اوخودی یا کی خنچر اوخ کی حلقومی اوزنمز
گوزلرین ایله سوزوبدی هئچ بله اولدوز سوزنمز
سینمه گل خوش گلیبسن لای لای اوغلوم لای لای اوغلوم
الوداع ای نازدانه آق قماتون باتدی قانه
باغبان بیر گول آپاردی نهر علقمدن سووارسن
بیر سو کی گلسه خروشه آز قالار شهری آپارسین
کسدیلر راه فراتی قوخدولار دریا قوتارسین
سینمه گل خوش گلوبسن لای لای اوغلوم لای لای اوغلوم
الوداع ای نازدانه آق قوماطون باتدی قانه
کیم ألی باغلی ماراله سو یولون باغلار عزیزیم
جان وئرنده سن گولوبسن کاینات آغلار عزیزیم
سینمه گل خوش گلوبسن لای لای اوغلوم لای لای اوغلوم
الوداع ای نازدانه آق قماطون باتدی قانه
یادی خیر اولسون او گونلر دوشلریمدن صود امردون
گه دوداقلارون قاچاردی من گولنده سن گولردون
من سنه صود گئج وئرنده تز باریشمازدون کوسردون
سینمه گل خوش گلوبسن لای لای اوغلوم لای لای اوغلوم
الوداع ای نازدانه آق قماطون باتدی قانه
- ۹۴/۰۹/۰۵