کانون وبلاگ نویسان جوان زنجان | يكشنبه, ۲۶ مهر ۱۳۹۴، ۰۸:۰۹ ق.ظ
لعنت سیزه ای بیربیره دنیانی قاتانلار
ای سایه ی شیطاندا ذلیلانه یاتانلار
ای شام وعراق اهلنی ظلمیله قیرانلار
ای پرچم پیغمبر اسلامی جیرانلار
ای داعش آدیلا دل احبابی دلنلر
بیر عده ی بی دینون الیله دوزه لنلر
ای گنبد و گلدسته لری خوشلامیانلار
ای دامن ابلیسی دوتوب بوشلامیانلار
حیوان درنده کیمی داغ داشدا قالانلار
ای انگلسین سایه سینه دالدالانانلار
اولموش سیزه حامی عربستانون امیری
سیزلرده اولوبسوز او حرامینون اجیری
ابلیس سالوبدور باشوزا سایه گلوبسوز
سیز شاه شهیدانیله دعوایه گلوبسوز
اعلام ایدیسوز مقصدیمیز کرب وبلادی
اول کرب وبلائیکه بهشت شهدادی
وار نیّتوز اُردو ویراسوز شهر نجفده
واللهی اگر گورسنه سوز مرز شرفده
حمله ایده سوز گر نجف وکرب وبلایه
باشیز دوشر اول کرب وبلا ایچره بلایه
قوللارین اباالفضل آچار آلامه دوشرسیز
صدام ستمگر کیمی صد دامه دوشرسیز
-
۰
۰
- ۹۴/۰۷/۲۶
- کانون وبلاگ نویسان جوان زنجان