زنگان-کانون وبلاگ نویسان جوان زنجان

وبلاگ گعده های دوستانه نوشت

ایله گورورم کی اون ایکی ایلدن سونرا گرک بیرده قایدیب زنگانا گلم و ئوز وطنیم و وطنداشلاریملان یاشاییب و اونلاریلان گیچینم. آما دوزی بودور کی قومداندا ال چکیب گلماخ بیر آز چتین گلیر و من چوخ قورخورام. هرچند کی چوخ چالیشیرام کی بو قورخونی سیندیریب و ئوز ایستدیگیمه (کی زنگانا گلماخدی) چاتام.

قم چوخ بویوک و ایستمه لی بیر شهریدی آما من هرنه ئوز ئوزومله چیرپندیم ایلیه بیلمدیم اورا عادت ایلیم و هر واخ اولسایدی قاچاردیم زنگانا کی هم بیر دویونجا گوزل هاواسیندان استفاده ایلیم و هم خانواده نی گورم و اونلاردان مهم بوکی ئوز ملتیم و همشهری لریملن یاناشام و اونلارا قوشولوب، دونیانی اونلارین گوزیلن گورم.

بیز طلبه لرین چوخی قومدا قالماقیلان مردمدان فاصله دوتوب و داها اونلارین عادی زندگی سینده دگیلوخ. هیچ یادیمدان چخماز کی بیر گون یولداشلارین بیریله گیتدیم زنگاندا میوه میدانینا، اوردا مردمین دانیشیغین و گیچینمگین گوروب و بیلدیم کی من بولارین دونیاسیندا دگیلم. او نچه دقیقه منه ایله خوش و ایستمه لی بیز زانانیدی که گوگلوم ایستیردی اوجادان چیغیرام و نه گوجوم وار سسیمی اوجالدام و مهم دگیلیدی که نه سوزی دانشمش اولام.